Organised Labour suspend nationwide strike for 30 days

The Nigeria Labour Congress, NLC, and the Trade Union Congress TUC, Don Suspend Strike Wey Dem Plan Start For October 3, 2023

NLC and TUC don comot di indefinite strike way dem bin wan start for Tuesday, October 3, 2023. Dem tok am afta di plenty meeting way dem get with di Federal Government.

Dem suspend di action for 30 days to make government fit do some of di tins way dem promise.

One memo way dem sign afta di meeting get names like Comrade Joe Ajaero, President NLC, Comrade (Engr) Festus Osifo, TUC President, Comrade Emmanuel Ugboaja, General Secretary NLC, and Comrade Nuhu A. Toro, Secretary General, TUC.

For government side, dem get H.E. Simon Bako Lalong, Honourable Minister of Labour and Employment, Hon. Dr Nkeiruka Onyejeocha, Honourable Minister of State for Labour and Employment, Mallam Mohammed Idris, and Honourable Minister of Information and National Orientation.

10

Dis na wetin dey inside di memo:

Federal Government go increase minimum wage for all Federal Government workers to N35,000 from September, until dem fit officially set new national minimum wage.

Dem go set up committee for one month to work on new national minimum wage.

Federal Government go stop to collect Value Added Tax (VAT) on Diesel for six months, starting from October 2023.

Federal Government go put N100 billion for di purchase of high-capacity CNG buses for mass transit for Naija, plus dem go provide CNG conversion kits and stations.

Dem go introduce tax incentives for private sector and general public.

Government go handle di leadership wahala wey dey NURTW and di palava of di purported proscription of RTEAN according to labor laws.

Dem go refer di matter of unpaid salaries and wages of tertiary education workers for federal-owned institutions to di Ministry of Labour and Employment for further discussion.

Federal Government go give financial support of N25,000 per month for three months, starting from October 2023, to 15 million households, including vulnerable pensioners.

Government go improve di subsidized distribution of fertilizers to farmers all over di country.

Federal Government go encourage state and local governments to implement wage awards for their workers.

Government go allocate funds for Micro and Small Scale Enterprises (MSMEs) like di President bin announce for August 1, 2023, with focus on creating good jobs.

Dem go visit refineries together to check how dem dey rehabilitate am.

All parties agree to dey follow di principles of social dialogue for future discussions.

NLC and TUC don agree to suspend di indefinite nationwide strike for 30 days, wey dem bin wan start on October 3, 2023.

Dem go submit dis memo to di relevant court within one week as agreement wey Federal Government approve.